MOLLIS

MOLLIS

apud Claudian. Epigr. 8. de Apono, v. 11.

Altô colle minor, parvis erectior arvis,

Conspicuo clivus molliter orbe tumet:

idem cum leni, apud Fortunatum l. 1. carm. 19.

Hic brevis ascensus leni subit aggere clivum,

Carpit et obliquâ mole viator iter:

dicitur clivus vel agger, qui non praecipitis ascensus est, sed quem citra laborem gradiendo vincere possis. Ei opponitur inivus mons, praeceps et ascendi difficilis. Ovid. Met. l. 10. Fab. 5. v. 172.

——— ——— per iuga montis iniqui

Ire comes: Longaque alit assuetudine flammas.

At Molles, apud Petronium Satyr. Molles, teretes, Deliaci manu recisi; eunuchi sunt seu excisi. Unde mollire, pro castrare, apud Stat. l. 3. Sylv. 4. v. 68.

——— haud ulli puerum mollire potestas

Credita, sed tacitâ Iuvenis Phoebeius arte

Leniter, haud ullo concussum vulnere corpus,

De sexu transire iubet ———

Et Claudian. Eutrop. l. 1. v. 47.

Advolat Armenius certô mucrone recisos

Edoctus mollire mares ———

Vid. Casp. Barthium Animadvers. ad h. l. Inter Deastros Gentilium

Liber membris cum mollibus et liquoris feminei dissolutissimus laxitate, ridetur Arnobio l. 6. quia Bacchus λυσιμελὴς non minus ac Venus. Eleganter autem ait, liquoris feminei dissolutissimus laxitate. Sic enim feminae dicuntur molles, quasi liquescentes, ac diffluentes, unde incessus earum laxior ac dissolutior. Appuleius Miles 2. Incessu perfluô feminam mentiebatur. ὑγρὸν βάδισμα Graeci dicunt, ut videre est apud Clementem Alex. Paedagog. l. 3. ubi de histionum saltatorumque fracto in cessu, et Dionem Chrysostomum de Regno l. 4. Libero Venerem addit Tertullian. de Spectac. c. 10. ob rationem dictam. Et est plane in artibus quoque scenicis Liberi et Veneris patrocinium, quae privata et propriasunt scenae, de gestu et corporis fluxu. Nam moilitiam Veneri et Libeo immolant: illi per sexum, isti per fluxum dissoluti. Vide Desid. Heraldum ad Arnobit loc. et supra voce Dissoluti.